Tarazda izdeýde júrgen eki qylmysker qolǵa tústi
TARAZ. QazAqparat – Jambyldyq polıtseıler izdeýde júrgen eki qylmyskerdi qolǵa túsirdi,- dep habarlaıdy QazAqparat tilshisi.
Taraz qalasyndaǵy PB-2 krımınaldyq polıtsııasynyń qyzmetkerleri «Quqyqtyq tártip» jedel aldyn alý is-sharasy barysynda qylmystyq izdeýde júrgen 32 jáne 50 jastaǵy eki qylmyskerdi quryqtady.
Eki azamattyń da qylmystyq sıpattaǵy áreketteri úshin quqyq qorǵaý organdarynan jasyrynyp júrgendigi anyqtaldy. Bul týraly oblystyq polıtsııa departamentiniń baspasóz qyzmeti habarlady.
«Jedel-izdestirý sharalary barysynda eki adamnyń da turǵylyqty jeri anyqtaldy. 50 jastaǵy er adam buǵan deıin alkogoldik mas kúıinde bolǵany úshin lıtsenzııasynan aıyrylǵanyna qaramastan kólik quralyn basqarǵany úshin, 32 jastaǵy er adam basqa adamnyń ar-namysy men qadir-qasıetine nuqsan keltirgeni úshin izdeýde boldy. Ekeýi de sotqa kelýge mindettildi»,-delingen habarlamada.
