Tarazda ishimdik iship kólik júrgizgen 222 júrgizýshi anyqtaldy
TARAZ. QazAqparat – Taraz qalasynda mas júrgizýshiler sany azaıar emes,- dep habarlaıdy QazAqparat tilshisi.
Taraz qalasy aýmaǵynda jyl basynan beri mas kúıde kólik júrgizgen 222 adam anyqtalyp, ákimshilik jaýapkershilikke tartylǵan. Bul týraly oblystyq polıtsııa departamentiniń baspasóz qyzmeti habarlady.
«Olar Mamandandyrylǵan ákimshilik sottyń sheshimimen on bes táýlikke qamaýǵa alynyp jáne jeti jyl merzimge kólik quralyn basqarý quqyǵynan aıyrylǵan. Masań kúıde kólik quralyn basqarý qaýipti, bul árekettiń artynda adam ómiri, úmiti, taǵdyry turǵanyn umytpaǵanymyz jón»,-delingen vedomstvo habarlamasynda.
