Tarazda ishek taıaqshasynyń bakterııalary bar fast-fýd satqan áıelge aıyppul salyndy
ASTANA. QazAqparat - Taraz soty jeke kásipkerlikpen (JK) aınalysýshy áıelge sanıtarlyq-epıdemıologııalyq normalardy buzǵany úshin 680,7 myń teńge kóleminde aıyppul saldy, dep habarlaıdy «QazAqparat» HAA Jambyl oblystyq sotynyń baspasóz qyzmetine silteme jasap.
Іs materıaldary boıynsha jeke kásipker T. Úıde maıonezben daıyndalǵan fast-fýd satyp, odan tutynýshylardyń densaýlyǵyna zııan kelgen. Saraptamaǵa sáıkes, jeke kásipker óniminiń quramynda ishek taıaqshalarynyń bakterııalary bar ekeni anyqtalǵan. ıAǵnı kásipker sanıtarlyq-epıdemıologııalyq talaptardy buzǵan.
Taraz qalasynyń ákimshilik soty T. Іsiniń materıaldaryn qarap shyǵyp, ony QR Ákimshilik quqyqbuzýshylyqtar kodeksiniń 425-baby, 2-bóligi boıynsha aıypty dep tanyp, oǵan qyzmetin toqtatpaı, ónimin kámpeskeleýsiz 300 aılyq eseptik kórsetkish (1 AEK 2269 teńgege teń - red.) nemese 680,7 myń teńge mólsherinde aıyppul belgiledi.
Sottyń qaýlysy zańdy kúshine endi.
