Tarazda iri saýda ortalyǵynan 300-den astam adam evakýatsııalandy

TARAZ. QazAqparat – Taraz qalasynda iri saýda ortalyǵyna jarylǵysh zat qoıylǵany jóninde qońyraý shalynǵan, dep habarlaıdy QazAqparat tilshisi.

Polıtsııa departamentiniń baspasóz qyzmetinen málim etkendeı, Jedel basqarý ortalyǵy kezekshi bóliminiń «102» tetigine belgisiz adamnan Taraz qalasyndaǵy «MART» saýda ortalyǵynyń ǵımaratyna jarylǵysh zat qoıylǵany týraly habarlama túsken.

Atalǵan saýda ortalyǵyna kelgen polıtsııa qyzmetkerleri 300-den astam adamdy shuǵyl evakýatsııalady. Ǵımaratqa tolyq tekserý júrgizildi. Jarylǵysh zat tabylǵan joq.

«Qazirgi tańda kórineý jalǵan aqparatty habarlaý deregi boıynsha sotqa deıingi tergeý amaldary bastaldy.

QR Qylmystyq-protsestik kodeksiniń 201-babynyń talaptaryna sáıkes, sotqa deıingi tergep-tekserýdiń basqa derekteri tergeý múddesine oraı jarııalaýǵa jatpaıdy», - delingen vedomstvo málimetinde.