Tarazda ıisshil ıt kúdiktiniń úıinen bes keli esirtki tapty
«Qarasora-2021» is-sharasynyń aıasynda oblystyq Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Taraz qalasynda 48 jastaǵy turǵynnyń úıin tekserdi. Sanktsııa berilgen tintý barysynda jalpy salmaǵy 5 keli 150 gramm keptirilgenmarıhýana tárkilendi. Ony «Tea» atty qyzmettik ıisshil ıt tapty.
«Atalǵan derekke qatysty Qylmystyq kodekstiń 296-baby 4-bóligi ıaǵnı asa iri mólsherde esirtkini zańsyz saqtaý boıynsha sotqa deıingi tergeý amaldary bastaldy. Osy qylmysty jasaǵany úshin 3 jyldan 7 jylǵa deıingi merzimge bas bostandyǵynan aıyrý jazasy túrindegi qylmystyq jaýapkershilik kózdelgen»,- dedi Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń bastyǵy A.Jumabekov.
Kúdikti kinásin moıyndady. Ol Taraz qalalyq Polıtsııa basqarmasynyń ýaqytsha ustaý ızolıatoryna qamaldy.
