Tarazda HQKO bólimine qoıylǵan zat bomba emes, oıynshyq bolyp shyqty
TARAZ. QazAqparat – Tarazda keshe №6 móltek aýdanyndaǵy nómiri ekinshi halyqqa qyzmet kórsetý ortalyǵyna jarylǵysh zat qoıyldy dep dabyl qaǵylyp, quzyrly organ ókilderine habar kelgen bolatyn, dep habarlaıdy QazAqparat tilshisi.
Tıisti mekemege qońyraý shamamen saǵat 14:50-ler shamasynda túsken. Atalǵan jaıttan habardar bolǵannan soń birden jedel top jumyldyrylyp, belgilengen orynǵa shuǵyl jetken. Tekserý jumystaryn júrgizdi.
Tekserý nátıjesinde anyqtalǵandaı, halyqqa qyzmet kórsetý ortalyǵyna eshqandaı da jarylǵysh zat qoıylmaǵan bolyp shyqty. Eldiń bomba dep úrikkeni - bar bolǵany oıynshyq zat eken. Al, mekeme qyzmetkerleri kez-kelgen zattan qaýip bar, sondyqtan óz mindetimizdi oryndadyq dep túsindirdi.
«Bólimnen belgisiz tabylǵan soń birden tıisti oryndar men quqyq qorǵaý organdaryna habar berdik. Jedel top kelgenshe bólimdegi barlyq mamandardy qaýipsiz jerge ıaǵnı syrtqa shyǵardyq. Quzyrly organdardyń tekserýi boıynsha ol oıynshyq zat bolyp shyqty», -atalmysh Taraz qalalyq HQKO bólim basshysy Nurbek Baıdáýletov.
