Tarazda halyqaralyq qolóner kórmesi ótip jatyr
Úsh kúnge sozylatyn aýqymdy is-sharaǵa Azııa-Tynyq muhıty, Ortalyq Azııa, Eýropa, taıaý shet elder men Qazaqstannan jınalǵan 250 qolónershi qatysyp jatyr. Osyǵan oraı, halyqaralyq qolónershiler qaýymdastyqtary, halyqaralyq sarapshylar, týrızm salasyndaǵy memlekettik jáne memlekettik emes uıymdar ókilderi de óńirge arnaıy atbasyn burdy.
Kórmeniń ashylýy «Kóne Taraz» tarıhı-etnomádenı kesheninde ótti. Qolóner buıymdary «Kóne-Taraz» tarıhı-etnomádenı keshenindegi «Galereıa», «Kórme zaly» ǵımarattarynda jáne keshen alańynda arnaıy ornalastyrylǵan shatyrlarda, aqshańqan kıiz úılerde kópshilik nazaryna usynyldy. Saltanatty sharanyń ashylýynda Azııa-Tynyq muhıty aımaǵy qolónershileriniń dúnıejúzilik keńesiniń vıtse-prezıdenti Azız Mýrtazaev 80-nen astam ımıdjdik jáne maýsymdyq toptamalardyń avtory, Qazaqstandaǵy neo-folklor stıliniń negizin qalaýshy, álemge belgili áýlıeatalyq dızaıner Aıdarhan Qalıevke shapan japty.
«Taraz ejelden-aq Uly Jibek jolyndaǵy saýda jáne qolónerdiń bastaý alǵan ortalyqtarynyń biri sanalǵan. 2000 jyldan astam tarıhy bar qala túrki mádenıetiniń sımvolyna aınaldy. Osynaý tarıhynda qala kóptegen memleketterdiń astanasy jáne Uly Jibek jolynyń iri saýda ortalyǵy boldy. Biz týrızm men qolónerdi damytý boıynsha aýqymdy sharalar ótkizýdi josparlap otyrmyz. Osy baǵytta jumys isteýge nıet bildirgen kásipkerlerge óz jobalaryn júzege asyrýy úshin jan-jaqty qoldaý kórsetiletin bolady. Bul jumystar týrızm úshin qolaıly aımaq retinde bizdiń óńirdiń ózindik beınesin qalyptastyrýǵa tolyq kómektesetinine kúmán joq», – dedi oblys ákiminiń birinshi orynbasary Nurjan Kalenderov.
Kórme barysynda kádesyı ónimderin satý jármeńkesi, sheberlik saǵattary, jas sýretshiler men qolónershiler baıqaýlary, sondaı-aq, Taraz qalasynyń tarıhı oryndary men kórikti jerlerin aralaý boıynsha aqparattyq týrlar uıymdastyrylady. Óńirdiń týrıstik ımıdjin ilgeriletý, otandyq qolónershilerdi halyqaralyq deńgeıde tanymal etý, jaqyn jáne alys shetelderden kelgen óner sheberleri arasynda tájirıbe almasýdy maqsat tutqan aýqymdy is-shara úsh kúnge sozylady.
Aıta keteıik, byltyr 2000 jyldan astam tarıhy bar Taraz shahary Dúnıejúzilik qolónershiler qalasy atandy. Álem boıynsha qolónershiler shaharlarynyń tizimi 2014 jyly jasalǵan. Taraz bul tizimge engen Qazaqstandaǵy alǵashqy qala.
Oblysta búginde 3500-ge jýyq tarıhı-mádenı eskertkish bar. Olardyń 5-i ıÝNESKO-nyń búkilálemdik mádenı mura tizbesine engen. Al Taraz qalasynyń ózinde 80-ge jýyq qolónershi bar. Olardyń 30 paıyzy kıiz ónimderin óndiredi. Buǵan deıin Jambyldyq qolónershilerdiń buıymdary AQSh-taǵy kórmelerge qoıylǵanyn jazǵan bolatynbyz.
