Tarazda halyqaralyq ınvestıtsııalyq forým ótedi
Bul týraly Jambyl oblystyq óńirlik kommýnıkatsııalar qyzmetinde ótken baspasóz brıfınginde málim boldy, dep jazady QazAqparat tilshisi.
«Forým 26-27 cáýir kúnderi ótedi dep josparlanyp otyr. Onda ónerkásip, agroónerkásip, týrızm, tsıfrlandyrý salalary qamtylady. Forýmǵa jetekshi halyqaralyq kompanııalar men otandyq bıznestiń 700-den astam ókili, ınvestorlar, sarapshylar men pikir kóshbasshylary shaqyrylady.
Jalpy, forýmnyń maqsaty – oblystyń damý baǵyttaryn jandandyrýǵa qolaıly ári jańa tehnologııalarǵa baǵdarlanǵan ınvestıtsııalyq, iskerlik, kreatıvti ortany qalyptastyrý. Postındýstrıaldy ekonomıkada óńirdiń strategııalyq damýynyń ǵylymı tehnıkalyq jáne áleýmettik ıdeıalaryn iske asyrý», – dedi Jambyl oblystyq kásipkerlik jáne ındýstrıaldy-ınnovatsııalyq damytý basqarmasynyń basshysy Aspandııar Seısebaev.
Aıta keteıik, byltyr oblysta 15 ınvestıtsııalyq joba iske asyp, 1095 jańa jumys orny ashyldy. Investıtsııa kólemi 2,3 paıyzǵa artty.
Buǵan deıin Jambyldyqtar mıllard teńgeden astam memlekettik baj salyǵyn QR-kodpen tóledi dep jazǵan bolatynbyz.
