Tarazda Halyq qaharmany Ǵazız Baıtasovqa eskertkish ornatyldy
TARAZ. QazAqparat – Tarazda Baýyrjan Momyshuly atyndaǵy «Jeńis» saıabaǵyna Ǵazız Baıtasovtyń eskertkishi qoıyldy, dep habarlaıdy QazAqparat.
Saıabaqtaǵy eskertkishtiń saltanatty ashylýy sharasyna Jambyl oblysynyń ákimi Berdibek Saparbaev, QR Іshki ister mınıstriniń orynbasary Arystanǵanı Zapparov, Jambyl oblystyq máslıhatynyń hatshysy Mahmetǵalı Sarybekov jáne Ǵazız Baıtasovtyń otbasy qatysty.
Qaza tapqan polıtsııa kapıtany Ǵazız Baıtasov osydan týra 50 jyl buryn 3 sáýirde ómirge kelgen.
Іshki ister mınıstriniń orynbasary Arystanǵanı Zapparov búgingi qýanyshty oqıǵa – beıbit kúnde azamattardyń tynyshtyǵy men qaýipsizdigi úshin óz ómirin qıǵan adamdarǵa qurmet bolatanyn aıtty. Onyń aıtýynsha, táýelsizdik jyldary qyzmettik boryshyn oryndaý kezinde 800-ge jýyq polıtsııa qyzmetkeri qaza tapqan. QR Іshki ister mınıstrliginiń bastamasymen jyl saıyn olardyń erlikterine arnalǵan «Qazirgi zaman qaharmany» respýblıkalyq aktsııasy ótkiziledi.
Oblystyq polıtsııa departamentiniń basshyy Janat Súleımenov Ǵazız Baıtasovtyń erligi Qazaqstan polıtsııasynyń barlyq qyzmetkerlerine úlgi bolatynyn jetkizdi. Ol týraly estelik urpaqtan urpaqqa jete bermek.
Eske salsaq, Tarazda 2011 jyly 12 qarashada lańkesterdiń qylmysy saldarynan 7 adam qaza tapqan, onyń 5-eýi polıtsııa qyzmetkeri, 2-eýi azamattyq tulǵa. Polıtsııa kapıtany Ǵazız Baıtasov sol atys kezinde adamdardy qutqarý úshin granatasy bar lańkestiń jolyn kesti, sóıtip qaza tapty.
QR Tuńǵysh Prezıdenti, Elbasy Nursultan Nazarbaevtyń Jarlyǵymen oǵan qaıtys bolǵannan keıin Halyq qaharmany ataǵy berildi.
Eske sala ketsek, naýryz aıynda osyndaı saltanatty jaǵdaıda eskertkishtiń irgetasy qalanǵan bolatyn.
