Tarazda Halyq qaharmany Ǵazız Baıtasovqa arnalǵan stend qoıyldy
TARAZ. QazAqparat – Jambyl oblysy Polıtsııa departamentiniń uıymdastyrýymen Halyq qaharmany Ǵ.Baıtasovty eske alý kúnine arnalǵan saltanatty is-shara ótti, dep habarlaıdy QazAqparat tilshisi.
Іs-sharaǵa Jambyl oblysy Polıtsııa departamentiniń basshylyǵy, Ǵ.Baıtasovtyń týystary, Jambyl oblysy memlekettik organdarynyń ókilderi, ishki ister organdarynyń ardagerleri qatysty. Saltanatty mıtıng Halyq qaharmany Ǵazız Baıtasovtyń eskertkishine gúl shoqtaryn qoıýmen bastaldy. Saltanatty gúl shoqtaryn qoıý rásiminen keıin batyrdy bir mınýt únsizdikpen eske alyp, úsh dúrkin saltanatty salıýt atyldy.
«Halyq qaharmany, ishki ister organdarynyń úzdik qyzmetkerleriniń biri – ІІD jol polıtsııasy jeke batalonynyń 1-shi vzvodynyń komandıri, polıtsııa kapıtany bolǵan Ǵazız Baıtasovtyń qaza bolǵanyna bıyl 9 jyl tolyp otyr. Az ǵana ǵumyrynda asqan erligimen Otanǵa, týǵan jerge degen súıispenshiliktiń bıik ólshemin kórsetken qaharman áriptesimizdiń erligi óskeleń urpaqqa úlgi ekeni daýsyz. Tek naǵyz patrıot óziniń ómirin qurbanddyqa tige otyryp, shynaıy erlikke bara alady. Osyndaı adamdardyń qatarynda terrorıstiń qolynan qaza tapqan jambyldyq polıtseıler de boldy. Elimiz óziniń erjúrek uldaryn eshqashan umytpaq emes», – dedi Jambyl oblysynyń PD bastyǵy Janat Súleımenov.
Óz kezeginde Ǵazız Baıtasovtyń jubaıy Gúljamal Tájıeva Jambyl oblysynyń PD basshylyǵy men jeke quramyna otbasyna jasaǵan qamqorlyǵy úshin alǵysyn bildirdi.
Eske alý is-sharasy Oblystyq tarıhı-ólketaný mýzeıinde halyq qaharmany Ǵ.Baıtasovqa arnalǵan stendtiń ashylýyna ulasty. Onda Halyq Qaharmanynyń ómiri men erligine qatysty maǵlumattar jan-jaqty kórinis tapqan.
