Tarazda grepplıngten el chempıonaty ótedi
ASTANA. QazAqparat - Bıylǵy greplıngten el chempıonaty Taraz qalasynda ótedi. Bul týraly QR Grepplıng qaýymdastyǵynyń prezıdenti Qanat Alın málim etti, dep habarlaıdy QazAqparat tilshisi.
Respýblıkalyq chempıonatty 23-24 aqpan kúnderi «Taraz-Arena» sport kesheninde ótkizý josparlanýda.
«Búginde elimizdiń barlyq óńirinde irikteý kezeńi aıaqtaldy. Endi sanaýly kúnnen soń grepplıngten elimizdegi basty báseke bastalady. Chempıonat erler, áıelder jáne ardagerler arasynda ótedi», - deıdi ol.
Qaýymdastyq basshysynyń aıtýynsha, Tarazda ótetin Qazaqstan chempıonatynyń jeńimpazdary aldymyzdaǵy qyrkúıek aıynda Astanada ótetin grepplıngten álem chempıonatyna joldama alady. Sondaı-aq, atalǵan sport túrinen Azııa chempıonatyna baratyn ulttyq qurama jasaqtalady.
Eske sala ketsek, jýyrda Astanada atalǵan sport túrinen halyqaralyq týrnır ótti. Oǵan elimizden bólek, BAÁ, Brazılııa, AQSh, Reseı, Qyrǵyzstan jáne Ózbekstan elderiniń grepplıng sheberleri qatysty.
