Tarazda esirtki kýreri mefedronmen ustaldy
TARAZ. KAZINFORM – «Tosqaýyl» jedel-profılaktıkalyq is-sharasy aıasynda Jambyl oblysy PD esirtki qylmysyna qarsy is-qımyl basqarmasynyń qyzmetkerleri mefedron jetkizý arnasynyń jolyn kesý boıynsha arnaıy operatsııa júrgizdi.
ІІM baspasóz qyzmetiniń málimetinshe, esirtki zattaryn asa iri mólsherde saqtady degen kúdikpen Almaty oblysynyń 26 jastaǵy turǵyny ustaldy. Tintý kezinde er adamnan ishinde erekshe ıisti usaq krıstaldy untaq zat bar, ızolentamen oralǵan 35 oram tárkilendi. Sondaı-aq onyń jalǵa alǵan páterinen Merrı qyzmettik ıtiniń kómegimen 430 oralǵan paket tabyldy.
Sot-hımııalyq saraptamasynyń qorytyndysyna sáıkes tárkilengen zattar jalpy salmaǵy 978 gramm bolatyn mefedron psıhotroptyq zaty bolyp shyqty. ıAǵnı polıtseıler kem degende 3260 dozany quraıtyn esirtkiniń taralýyna jol bermedi. Onyń qara naryqtaǵy quny shamamen 36 mln teńge turady.
Jaýap alý kezinde kúdikti zańsyz bızneske qatysy bar ekenin moıyndap, messendjer arqyly esirtki satatyn kýrer bolyp jumysqa ornalasqanyn aıtty. Ol Almatydan esirtki partııasyn alyp, Tarazdaǵy jaldamaly páterde olardy býyp-túıip, jasyryn oryndarǵa qoıyp shyqqan.
«Kúdikti óz qyzmetin ınternet-dúkenderdiń kómegimen júzege asyrǵan. Onda úılestirýshiniń nusqaýy boıynsha Almaty, Taraz, Shymkent, Qostanaı qalalarynda taratý úshin «taýar» alyp otyrǵan jáne Tarazda birneshe orynǵa mefedron qoıyp úlgergen. Onyń esirtki satatyn ınternet-dúken ákimshisimen hat almasýyn jáne jasyryn oryndardyń koordınattaryn kórsetken fotosýretterdi teksergennen keıin qyzmetkerler mefedronnyń taǵy 7 oramyn tapty. Qazirgi ýaqytta polıtsııa qylmystyq tizbektiń qalǵan qatysýshylaryn anyqtap jatyr», – dedi Jambyl oblysy Polıtsııa departamenti bastyǵynyń orynbasary Nurjan Rahmetýllaev.
