Tarazda esirtki tasymaldaýshylardan 2,5 keli geroın tárkilendi
TARAZ. QazAqparat - Taraz qalasynyń prokýratýrasy oblys ortalyǵynda esirtkimen saýda jasaıtyn uıymdasqan qylmystyq topty ustady, dep habarlady «QazAqparat» HAA tilshisi Jambyl oblysy prokýratýrasynyń baspasóz qyzmetine silteme jasap.
«Qalalyq prokýratýra Tarazda birneshe jyl aralyǵynda uıymdasqan, esirtki saýdasymen aınalysqan top áreket etkenin anyqtady. Jambyl oblysynyń prokýrory Ernat Sybanqul jedel izdeý sharalaryn ótkizýge bastamashylyq etti. (...) 18 naýryzda kúdiktiler turatyn jerge tintý júrgizilip, qylmystyq top áshkerelendi. Olardyń sany - 9», - dedi oblystyq prokýratýra baspasóz qyzmetiniń basshysy Abyroı Azamatov.
Tintý barysynda 2,5 keliden astam geroın jáne 2,5 mln teńge somasynda qarajat tárkilendi. Barlyq kúdiktiler qamaýǵa alyndy. Sot aldy tergeý oblystyń ІІD tergeý basqarmasyna tapsyrylydy.
