Tarazda esirtki saýdasyn nasıhattaǵan 700-ge jýyq graffıtı-jazý óshirildi

TARAZ. QazAqparat – Taraz qalasynda arnaıy aktsııa aıasynda 700-ge jýyq graffıtı-jazýlar joıylyp, onymen aınalysqan alty adam ustaldy, dep habarlaıdy QazAqparat tilshisi.

Jambyl oblystyq polıtsııa departamenti esirtki qylmysyna qarsy is-qımyl basqarmasynyń qyzmetkerleri «Taraz — Jasyl el» jáne «Jas Sarbaz» mekemeleriniń ókilderin qatystyra otyryp, oblys ortalyǵyndaǵy turǵyn úıler men ǵımarattardyń qabyrǵalarynan esirtki satýǵa qatysty saıttardy jarnamalaıtyn graffıtı-jazýlardy alyp tastaý boıynsha is-shara ótkizdi. Nátıjesinde 700-ge jýyq jazba óshirilip, 6 adam ustalǵan.

«Monıtorıng barysynda oblystyń PD Esirtki qylmysyna qarsy is-qımyl basqarmasynyń qyzmetkerleri «Telegram» qosymshasynda jumys isteıtin balamaly ınternet-saıttar ornatty. Al anyqtalǵan saıttar joıylyp, saıttar men jazýlardy jasaýǵa qatysy bar tulǵalardy anyqtap, ustaý boıynsha jedel-izdestirý is-sharalary júrgizilýde», - deıdi atalmysh departament baspasóz qyzmetiniń jetekshisi Gúlsara Muhtarqulova.

Ol bul baǵyttaǵy jumystar áli jalǵasyp jatqandyǵyn jetkizdi.