Tarazda esirtki men ishimdikke toıyp alǵan mas júrgizýshi 15 kúnge qamaldy
Patrýldik polıtsııa batalony qyzmetkerleri túngi mezgilde bekitilgen ákimshilik aýmaqty sholý barysynda «Lexus» markaly avto jol erejesin buzǵanyn kórip, toqta dep eskertý jasaǵan.
Alaıda avtokólik júrgizýshisi polıtsııa qyzmetkerleriniń talabyna qaramaı, Almaty qalasyna baǵyttalǵan tasjolda jyldamdyqty arttyryp, qozǵalysyn jalǵastyrǵan.
Polıtseıler avtokóliktiń artynan qýǵan kezde onyń aldyńǵy dóńgelegi jarylǵan. Sodan keıin ǵana kóligin toqtatyp, ustaldy.
Kólik júrgizýshisimen áńgime barysynda onyń mas ekeni baıqalǵan.
Medıtsınalyq saraptama qorytyndysy onyń ortasha dárejede ishimdik jáne konoboıdtyq esirtki tutynǵanyn anyqtady.
Óziniń aıtýynsha, jaǵdaıyn bilgendikten polıtsııa qyzmetkerlerinen qashyp ketýdi uıǵarǵan.
Júrgizýshi QR ÁQBtK 595-babynyń 1-bóligi, 230-babynyń 2-bóligi, 590-babynyń 9-bóligi, 613-babynyń 1-bóligi, 608-babymen ákimshilik jaýapkershilikke tartylyp, sot sheshimimen 15 táýlikke ákimshilik qamaqqa alyndy.
Sondaı-aq jeti jyl merzimge kólik quralyn júrgizý quqyǵynan aıyryldy.
Avtokólik arnaıy aıypturaqqa qoıyldy.
Foto: vıdeodan alynǵan kadr