Tarazda er adamdy pyshaqtap óltirgen kúdikti ustaldy
ASTANA. KAZINFORM — Kúdikti ýaqytsha ustaý ızolıatoryna qamaldy. Qala turǵynynyń qazasynyń mán-jaıyn tergeý anyqtap jatyr.
Aldyn ala málimet boıynsha, oqıǵa 3 qazan kúni saǵat 17:00 shamasynda Abaı kóshesindegi úılerdiń biriniń aýlasynda bolǵan. Birneshe adam 24 jastaǵy er adamǵa pyshaq jaraqatyn salyp, oqıǵa ornynan qashyp ketken. Jábirlenýshi alǵan jaraqatynan sol jerde kóz jumdy. Oqıǵa týraly polıtsııaǵa kýágerler habarlaǵan.
Jambyl oblysynyń polıtsııa departamenti adam ólimine qatysty qylmystyq is qozǵalǵanyn rastady.
— Adam óltirý faktisi boıynsha qylmystyq is qozǵaldy. Polıtsııa qyzmetkerleri kúdiktini «izin sýytpaı» ustap, ýaqytsha ustaý ızolıatoryna qamady. Qazirgi ýaqytta qajetti tergeý amaldary júrgizilip jatyr. Tergeý barysy departament basshylyǵynyń baqylaýynda, — dep habarlady vedomstvo.
Shabýylǵa qansha adamnyń qatysy bolýy múmkin ekeni jáne onyń sebebi ázirshe resmı túrde aıtylǵan joq. Alaıda rastalmaǵan málimet boıynsha, qylmysqa qyzǵanyshtan týyndaǵan kelispeýshilik sebep bolýy múmkin.
Eske salaıyq, buǵan deıin Qostanaıda burynǵy áıelin qyzǵanyshtan atyp óltirgen er adam 12 jylǵa sottalǵanyn jazǵanbyz.
