Tarazda enesi men kelinin pyshaqtap ketken qylmysker ustaldy
TARAZ. QazAqparat – Taraz qalasynda 16 qarashada 42 jastaǵy er adam polıtsııaǵa habarlasyp, anasy men áıeliniń pyshaq jaraqatyn alǵanyn aıtyp aryzdanǵan, dep habarlaıdy QazAqparat tilshisi.
Oqıǵa ornyna kelgen polıtseıler men medıtsına qyzmetkerleri 42 jastaǵy áıeldiń qaıtys bolǵanyn anyqtady, al júgingen er adamnyń anasy Jambyl oblystyq aýrýhanasynyń jansaqtaý bólimine jatqyzyldy. Bul týraly oblystyq polıtsııa departamentiniń baspasóz qyzmeti habarlady.
«Júrgizilgen jedel-izdestirý sharalarynyń nátıjesinde Jambyl oblysynyń Jambyl aýdany Prıgorodnoe aýylynyń 40 jastaǵy turǵyny ustaldy. Ol buryn kisi óltirgeni jáne zorlaǵany úshin sotty bolǵan. Ustalǵan azamat kinásin moıyndap, spırttik ishimdik ishý barysynda kenetten týyndaǵan janjaldan soń pyshaq jaraqatyn salǵanyn kórsetti» delingen vedomstvo habarlamasynda.
Atalǵan derekke qatysty Qylmystyq kodekstiń 99-baby 1-bóligi, 24-99-babynyń 1-bóligi boıynsha sotqa deıingi tergeý bastalǵan.
Birqatar saraptamalar taǵaıyndaldy. Sondaı-aq zattaı aıǵaqtar alynǵan.
