Tarazda eki jasar bala úıdegi basseınge batyp ketti
TARAZ. QazAqparat - Taraz turǵynynyń otbasynda qaıǵyly oqıǵa boldy, dep habarlaıdy «QazAqparat» HAA tilshisi.
«Bizge jergilikti polıtsııa qyzmetinen Tarazda jeke úıde kishkene bala sýǵa tunǵyshyp ólgeni týraly habar kelip tústi. Eki jasar bala úlkenderdiń qaraýynsyz qalyp qoıǵan. Jedel járdem qyzmetkerleri tek balanyń ólimin tirkegen», - dep málim etti Jambyl oblysy TJD baspasóz qyzmetiniń basshysy Sáýle Mýnataeva.
Óńirlik TJD sońǵy kezde oblysta kishkene balalardyń qaıǵyly jaǵdaıǵa tap bolýy jıilep ketkenin atap ótedi. Keltirilgen málimetter boıynsha, tek shilde aıynyń ózinde Tarazda úsh kishkene balanyń kópqabatty turǵyn úıdiń terezesinen qulap ketken.
9 shilde kúni 9 shaǵyn aýdanda 2 jasar bala úshinshi qabattaǵy úıdiń terezesinen qulap ketken. 11 shildede 2 shaǵyn aýdanda bes qabatty úıdiń 4-qabatynan jeti jasar qyz bala abaısyzda qulap ketti. Barlyq bala aýrýhanaǵa jatqyzyldy. Qazirgi tańda oqıǵa zerttelip jatyr.
