Tarazda eki polıtseı paramen ustaldy

TARAZ. QazAqparat - Tarazda jol-patrýldik polıtsııa batalonynyń eki ınspektory paramen ustaldy. Bul týraly oblystyq Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

Málim bolǵandaı, polıtseıler jolda júrý erejesin óreskel buzǵan júrgizýshiden ony ákimshilik jaýapkershilikke tartpaý úshin 40 myń teńge suraǵan.

«Osy fakti boıynsha QR QK-niń, 366-baby, 2-bóligi, 3-tarmaǵy boıynsha sotqa deıingi tergeý júrgizilýde. Sondaı-aq qyzmettik tekserýdi taǵaıyndaý boıynsha para úshin ustalǵan tulǵalardyń komandırlerin de jaýapkershilikke tartý máselesi qaralatyn bolady. Sybaılas jemqorlyqtar boıynsha quqyqbuzýshylyqtardy anyqtaý jáne jolyn kesý sharalaryn Polıtsııa departamentiniń bastyǵy Arman Orazalıevtiń ózi erekshe baqylaýda ustap otyr»,- delingen vedomstvo aqparatynda.

Kúdikti eki qyzmetker ýaqytsha ustaý ızolıatoryna qamaldy.