Tarazda eki balany qutqarǵan polıtsııa ınspektory marapattaldy

TARAZ. QazAqparat – Tótenshe jaǵdaılar mınıstri ıÝrıı Ilınniń buıryǵymen Taraz qalasy polıtsııa basqarmasynyń kámeletke tolmaǵandardyń isteri jónindegi ýchaskelik polıtsııa ınspektory Qaırat Turlybaev muz astyna túsken eki balany qutqarǵany úshin marapattaldy, dep habarlaıdy QazAqparat tilshisi.

Marapattaý rásimi Jambyl oblystyq Tótenshe jaǵdaılar departamentinde ótti. Qaırat Turlybaev «Sýǵa batqandardy qutqarǵany úshin» medalimen marapattaldy.

Esterińizge sala keteıik, bıyl 31 naýryzda buqaralyq aqparat quraldarynda ýchaskelik polıtseıdiń erligi týraly maqala jarııalanǵan bolatyn.

2022 jyldyń 28 jeltoqsanynda Qaırat Turlybaev Tarazda Sańyraq batyr kóshesindegi kanal janynan ótip bara jatyp, kóliginiń ashyq terezesinen balalardyń kómek surap aıǵaılaǵanyn estıdi. «Kómekke shaqyrǵan daýysty estigen boıda oılanbastan kóligimnen shyǵyp, kanalǵa qaraı júgirdim. Jaqyndaı bere, shamamen 9-10 jas aralyǵyndaǵy eki uldyń sýyq sý ishinde muzdyń shetinen ustap, aıǵaılap jatqanyn kórdim»,– deıdi ol.

Polıtsııa qyzmetkeri jyldam sýǵa túsip, uldardy birinen soń birin shyǵaryp, úılerine aparady.

Sosyn sý bolǵan kıimderin qaıta aýystyryp, bolǵan oqıǵa týraly eshkimge aıtpastan qyzmetin jalǵastyrǵan. Polıtsııa qyzmetkeriniń batyl áreketi týraly qutqarylǵan er balalardyń ata-analary BAQ ókilderine habarlaǵan.

Solaı, kópshilik tártip saqshysynyń erligi týraly úsh aıdan keıin ǵana bilgen.