Tarazda eki adam sýǵa ketti
TARAZ. QazAqparat - Jambyl oblysy Taraz qalasyna jaqyn mańdaǵy kanalda bir apta ishinde eki qaıǵyly oqıǵa oryn aldy, dep habarlaıdy QazAqparat tilshisi.
«Jergilikti turǵyndar Tarazdy aınalyp aǵatyn kanaldan sýǵa batqan er adamdy kórgen. 20 mınýttan keıin marqumnyń denesi sýdan shyǵaryldy. Qaza tapqan adamnyń kim ekeni belgisiz, azıat, jasy shamamen 50-55-te. Ústinde kıimi bolǵan. Kanalǵa qalaı aǵyp ketkeni belgisiz», - dep málim etti Jambyl oblystyq TJD baspasóz qyzmeti.
Bir apta buryn dál sol kanaldan taǵy adamnyń denesi tabylǵan bolatyn. Departament málimetinshe, marqumnyń jasy 28-de bolatyn.
Shomylý maýsymy bastalǵaly beri Jambyl oblysynyń ózen-kólderinde 8 adam ajal qushty, onyń beseýi - bala. TJD baspasóz qyzmetiniń aqparatynsha, ótken jyldyń dál osy kezeńinde 7 adam, onyń ishinde 2 bala sýǵa ketken.
Avtor: Galına Skrıpnık
