Tarazda eki adamdy quldyqta ustaǵan kúdikti ustaldy

Taraz qalalyq polıtsııa basqarmasynyń 2-polıtsııa bólimine 24 jáne 40 jastaǵy Ózbekstan Respýblıkasynyń azamattarynan eńbekti paıdalaný deregi boıynsha aryz túsken, dep habarlaıdy Kazinform. 

Jambyl oblystyq Polıtsııa departamenti baspasóz qyzmeti bergen málimetterge súıensek, aryzda jábirlenýshiler er adam olardyń jeke basty kýálandyratyn qujattaryn alyp qoıyp, Taraz qalasyndaǵy qurylys nysandarynda jumys isteýge májbúr etkenin kórsetken. Olar qashyp úlgergen, alaıda ıeleri qujattaryn qaıtarý úshin aqsha bopsalaǵan.

Atalǵan derek boıynsha QR Qylmystyq kodeksiniń 126-baby 3-bóliginiń 2-tarmaǵymen, ıaǵnı zańsyz bas bostandyǵynan aıyrý boıynsha sotqa deıingi tergep-tekserý amaldary bastaldy.

Jedel izdestirý is-sharalarynyń nátıjesinde polıtsııa qyzmetkerleri Túrkistan oblysynyń 35 jastaǵy turǵynyn anyqtaıdy. Ol talap etken shamamen 500 myń teńge kólemindegi aqshanyń 200 myń teńgesin alǵan kezinde ustalady.

Kúdikti óz kinásin moıyndap, quryqtaý barysynda odan

200 myń teńge aqshalaı qarajat, «Redmı-7» markaly uıaly telefon jáne qujattar tárkilengen.

Qazirgi ýaqytta qylmystyq is boıynsha tergeý áreketteri jalǵasyp jatyr.