Tarazda egde áıel 5-qabattan qulap ketti
TARAZ. QazAqparat - Qaıǵyly oqıǵa Tarazdaǵy turǵyn úı alabynda bolǵan, dep habarlaıdy «QazAqparat» HAA tilshisi.
Jambyl oblystyq TJD habarlaǵandaı, 12 aqpan kúni saǵat kúndizgi 4-te oblys ortalyǵyndaǵy 8 shaǵyn aýdanda bes qabatty turǵyn úıdiń 5-qabatynda turatyn 76 jastaǵy qart páterdiń terezesinen qulap ketken.
Ol ǵımarattyń birinshi qabatyndaǵy sulýlyq salonynyń shatyryna túsip, aman qalǵan.
«Ol túrli jaraqatpen Taraz qalasyndaǵy aýrýhanaǵa jetkizildi, - dedi «QazAqparat» HAA tilshisine Jambyl oblystyq TJD basshysynyń orynbasary Talǵat Sabyrov.
Onyń terezeden qalaı qulap ketkeni ázirge belgisiz. Polıtsııa oqıǵanyń mán-jaıyn anyqtap jatyr.
