Tarazda drıft jasaǵan júrgizýshi qamaýǵa alyndy
ASTANA. KAZINFORM – Taraz qalasynda qoǵamdyq jolda drıft jasaǵan 22 jastaǵy BMW avtokóliginiń júrgizýshisi bes táýlikke ákimshilik qamaqqa alyndy. Bul týraly Polisia.kz habarlady.
Polıtsııa qyzmetkerleri quqyq buzýshylyqty áleýmettik jelilerge júrgizilgen monıtorıng barysynda anyqtaǵan.
Belgili bolǵandaı, júrgizýshi qala kósheleriniń birinde drıft jasap, jol qozǵalysy qaýipsizdigine qaýip tóndirgen. Sondaı-aq túngi tynyshtyqty buzyp, jol jabynyna zaqym keltirgen.
Sot sheshimimen quqyq buzýshy kináli dep tanylyp, oǵan bes táýlik merzimge ákimshilik qamaqqa alý jazasy taǵaıyndaldy.
– Ortaq paıdalanylatyn avtomobıl joldarynda drıft jasaý – qyzyq kórinis emes, bul aınaladaǵy adamdardyń ómiri men densaýlyǵyna qaýip tóndiretin zań buzýshylyq. Mundaı árbir derek jedel túrde anyqtalyp, kináliler qoldanystaǵy zańnamaǵa sáıkes jaýapkershilikke tartylady, – dep eskertti polıtsııa.
Aıta keteıik, Almatyda drıft jasaǵan taǵy bir júrgizýshi jazalandy.
