Tarazda dindi berik ustanǵan oqýshylar men muǵalimderdiń sany anyqtaldy
Bilim bóliminiń basshysy Múbárak Jınaqbaevanyń aıtýynsha, qazirgi tańda qaladaǵy 59 mektepte dindi berik ustanatyn 7 pedagog bar. Olardyń úsheýi Islam baǵytyn ustansa, tórteýi - Iegovo kýágerleri. Atalǵan ustazdardyń dinge senim artqandaryna eń azy 11 jyl bolsa, eń uzaǵy 33 jyl.
Atap ótilgendeı, bul pedagogtarǵa oqýshy nemese ata-ana tarapynan eshqandaı shaǵym bolmaǵan. Dinı senimde júrgen bastaýysh synyp, dene shynyqtyrý, matematıka, qazaq tili men orys tili pánderiniń muǵalimderi jáne pedagog-psıhologtyń atqaryp otyrǵan jumystary mektep ákimshiligi men bilim bóliminiń qatań baqylaýynda.
Al oqýshylarǵa kelsek, ata-analarynyń yqpalymen dinı aǵymdarǵa kirgen oqýshylar sany 144 bolyp otyr. Onyń ishinde 62 oqýshy - Islam dininde, qalǵan 82-si Adventıster men Iegovo kýágerleri, Baptıst jáne Sýbbotnıkter qatarynda.
«Ár aptanyń juma kúni ǵıbadat úılerine jaqyn ornalasqan mektepterden kezekshilik jumystary uıymdastyrylyp otyr. Meshitterge ata-anasynsyz kelgen mektep jasyndaǵy 10 jasóspirim ustaldy. Olar oqýmen qamtylmaǵan, jeke bastaryn kýálandyratyn qujattary joq. Syǵan ulttarynyń balalary men № 4 ózbek mektebiniń oqýshylary. Bul kezekte jedel túrde Ózbek mektebiniń ákimshiligi men jasóspirimderdiń ata-analary shaqyrtylyp, tıisti profılaktıkalyq jumystar júrgizildi», - dedi bólim basshysy Múbárak Jınaqbaeva.
