Tarazda denesi tabylǵan áıeldiń kim ekeni anyqtaldy
TARAZ. QazAqparat - Jambyl oblystyq Іshki ister departamenti Tarazda sý arnasynan denesi tabylǵan áıeldiń jeke basyna qatysty málimettermen bólisti, dep habarlaıdy QazAqparat Jambyl oblystyq Іshki ister departamentiniń baspasóz qyzmetine silteme jasap.
Aıta keteıik, Tarazdaǵy «Bazarbaı» sý arnasynan jergilikti turǵyndar áıel adamnyń denesin taýyp aldy. Ústindegi kıimimen jatqan áıeldiń denesin sýdan Jambyl oblystyq Tótenshe jaǵdaılar departamentiniń «Jedel-saqtandyrý otrıady» MM-niń ókilderi alyp shyqty.
«25 maýsym kúni Taraz qalalyq Іshki ister departamentiniń 1 polıtsııa bóliminiń kezekshisine Tóle bı kóshesiniń boıyndaǵy sý arnasynan áıel adamnyń máıiti tabylǵandyǵy týraly habar tústi»,-dep málimdedi Jambyl oblystyq Іshki ister departamentiniń baspasóz qyzmeti.
Oqıǵa ornyna shyqqan jedel tergeý tobynyń ókilderi áıel adam tabylǵan oryndy tekserdi. Ol jerden áıelge kórsetilýi múmkin zorlyq-zombylyq áreketteriniń belgileri tabylmady. Áıeldiń aty-jóni anyqtaldy».
Tekserý jumystary barysynda belgili bolǵanyndaı, 56 jastaǵy áıel eki balasyn jalǵyz ózi tárbıelep kelgen. Іshimdikke salynǵan jáne qańǵybas bolyp júrgen, dep naqtylady vedomstvo ókilderi.
Atalǵan fakt boıynsha sot-medıtsınalyq saraptama taǵaıyndaldy.
