Tarazda demalys kúnderi qoǵamdyq kólik toqtamaıdy

TARAZ. QazAqparat – Taraz qalasynda senbi jáne jeksenbi kúnderi qoǵamdyq kólik qozǵalysyna tyıym salynbaıdy, dep habarlaıdy QazAqparat tilshisi.

Jambyl oblysynyń ortalyǵynda buǵan deıin demalys kúnderi qalaishilik jolaýshylar tasymalyna toqtaý salynyp kelgen bolatyn.

Búgin qalalyq ákimdiktiń jaýapty bólim mamandary jáne jolaýshylar tasymaly boıynsha qyzmet kórsetetin mekeme ókilderi shuǵyl jıyn ótkizdi.

«Jıyn barysynda halyqtyń suranysy eskerilip, demalys kúnderinde qoǵamdyq kólik jumysyn jańǵyrtý jóninde sheshim qabyldap, mámilege keldi», - delingen ákimdik habarlamasynda.

Degenmen, qoǵamdyq kólikterdiń jumysy barlyq sanıtarlyq talaptardy saqtaı otyra jalǵaspaq.