Tarazda daýyldy jel kópqabatty úıdiń shatyryn ushyrdy
ASTANA. QazAqparat -Taraz qalasynda kópqabatty turǵyn úıdiń shatyryn jel ushyryp túsirdi, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
«Tarazda 24 sáýirde saǵat 19.10-da qatty jel (jyldamdyǵy 25 m/s) saldarynan Súleımenov kóshesindegi bes qabatty turǵyn úıdiń 30 sharshy metr shatyry ushyp tústi (turǵyn úıdiń jalpy aýdany 1 myń sharshy metr)», - delingen habarlamada.
Qutqarýshylardyń aıtýynsha, oqys oqıǵadan eshkim zardap shekpegen.
Eske sala ketsek, 24-25 sáýir kúnderi jel jyldamdyǵy kúsheıedi dep boljanǵandyqtan Jambyl oblysynyń aýmaǵynda eskertý jarııalandy.
