Tarazda daýyldan keıin qala turǵyndary jaryqsyz jáne sýsyz otyr
TARAZ. QazAqparat - Tarazda kúshti jelden keıin qala turǵyndary sýsyz jáne elektr jaryǵynsyz qaldy. Kommýnaldyq qyzmetter daýyldyń saldaryn joıý úshin kúsheıtilgen rejımde jumys istep jatyr, dep habarlaıdy QazAqparat.
7 sáýirde qalada sekýndyna 1520 metr jyldamdyqpen jel soqty. Keı jerlerde jel qarqyny 25 m/s deıin jetti.
Oblys ortalyǵynyń basym bóligi jaryqsyz qaldy, baǵdarshamdar jumys istemedi.
Elektr qýaty óshirilgen soń nasos stansalarynyń jumysy toqtap, qalanyń bir bóligine aýyz sý berilmeı qaldy.
- Birneshe turǵyn aǵash qulaýy qateri jaıly habar keldi. Degenmen «Jasyl el Taraz» mamandary oqıǵa ornyna baryp, tekserý júrgizgenimen qulaǵan aǵashtar tirkelgen joq. Shatyr ushqany týraly shaǵymdar bolǵan joq, soǵan qaramastan ákimdik qyzmetkerleri ǵımarattardy tekserip jatyr. Bilim jáne densaýlyq saqtaý nysandaryna qaýip tóngen joq» dep málim etti qalalyq medıa ortalyq.
Tarazǵa jaqyn mańdaǵy Jambyl aýdanynda Jambyl GRES-ine qarasty №157 jáne 158 stansalarynda apat jaǵdaıy qalyptasqany belgili boldy. Osy sebepten birqatar kóshelerde jáne mekemelerde jaryq sóndirilgen.
Búginde №157 stansada apat saldary joıylyp, jumys tolyq qalpyna keldi. №158 stansada alty brıgada jumys istep jatyr.
Jaryq berilgennen keıin sýmen qamtý qyzmeti de ishinara iske qosyldy.
Oblys ákimdiginiń 109 arnaıy qyzmetine 72 shaǵym kelip tústi, onyń 71-i qala móltekaýdandarynda elektr qýatynyń óshýine qatysty boldy.
Aryzdanǵan turǵyndardyń ishinde 32 mekenjaı boıynsha jaryq berildi.
