Tarazda daýyl saldarynan búlingen jerler qalpyna keltirilýde
TARAZ.QazAqparat - Óńirdi jaıpap ótken daýyldy jel adamdardyń ómirin qıyp, sońynda tamyrymen qoparylǵan taldar, búlingen baılanys quraldaryn qaldyrdy, dep habarlaıdy «QazAqparat» HAA tilshisi.
«29 mamyr kúni saǵat 17.00-den bastap Tarazda qatty jel saldarynan symdar úzilip, taldar qulady. «Turǵyn úı eksplýatatsııalyq qyzmeti» JShS málimeti boıynsha, «Soltústik» stantsııasyndaǵy toq júıeleriniń úzilýine baılanysty, «Tolkýchka» aýmaǵynda turatyn 200-ge jýyq abonent elektr jaryǵynsyz qaldy. «TGES» JShS-iniń dıspetcherlik qyzmetine 204 ótinish túsken. TGES JShS apattan qutqarýshy brıgadasynyń kúshimen (20 adam jáne 6 tehnıka) 102 ótinish oryndaldy.
Sonymen qatar, tómen qysymdy gaz qubyryna aǵash qulaýy saldarynan VIII shaǵynaýdanyndaǵy №5 úıdiń turǵyndary gazsyz qaldy. «Jasyl Taraz» JShS jumyskerlerimen (21 adam, 14 tehnıka) qala kóshelerindegi synǵan taldar jáne aǵash butaqtaryn, qoqystaryn tazalaý jumystary júrgizildi», - deıdi oblystyń TJD baspasóz qyzmeti.
