Tarazda daýyl kezindegi jumysshylardyń ólimine aıypty prorab sottaldy
TARAZ. QazAqparat - Taraz qalasyndaǵy №2 sotta eńbek qorǵaý erejelerin buzǵan qurylys kompanııasynyń prorabyna qatysty sot talqylaýy aıaqtaldy, dep habarlaıdy «QazAqparat» HAA tilshisi Jambyl oblystyq sotynyń baspasóz qyzmetine silteme jasap.
Eske sala keteıik, aǵymdaǵy jyldyń 29 mamyry kúni soqqan kúshti daýyl Tarazda birneshe qaıǵyly oqıǵaǵa sebep boldy. 13-shaǵyn aýdanda salynyp jatqan ǵımarattyń aýmaǵynda eki jumysshy qaza tapty. Jel úıdiń shatyryndaǵy shıferdi ushyryp áketedi, al eki jumysshy qatty daýyl soǵyp turǵanyna qaramastan ushqan shıferdi ornyna qaǵý úshin tóbege kóteriledi. Sol kezde jel olardyń ekeýin de jerge ushyryp túsiredi. Olar oqıǵa ornynda mert boldy.
Negizgi sot talqylaýynda sottalýshy ózine taǵylǵan aıypty moıyndady. Qurbandardyń týystary moraldyq zalaldyń ótelýine baılanysty D.-ny keshirip, oǵan bas bostandyǵynan aıyrmaý kózdelgen jaza berilýin surady.
Sottyń úkimimen D. QR QK 156-babynyń 4-bóliginde kórsetilgen qylmystyq quqyq buzýshylyqty jasady dep tanyldy. Oǵan bes jylǵa bas bostandyǵynan aıyrý túrinde jaza, sondaı-aq bes jyldyq probatsııalyq baqylaý merzimi belgilendi. Ol «TarazQurylysInvest» JShS-te prorab laýazymyn ıelený quqyǵynan aıyryldy.
Sot úkimi zańdy kúshine engen joq.
