Tarazda bir vıdeonyń sońy sotpen aıaqtaldy: polıtseıge qatysty is qozǵaldy
ASTANA. KAZINFORM — Tarazda áleýmettik jelide taraǵan vıdeoǵa baılanysty polıtsııa qyzmetkerine qatysty ákimshilik is qozǵaldy. Qyzmettik tekserý qorytyndysy boıynsha materıaldar sotqa joldandy, dep habarlaıdy Kazinform tilshisi.
Polıtsııa qyzmetkeriniń qatysýymen bolǵan oqıǵany kýágerler vıdeoǵa túsirip alǵan. Keıin beınejazba áleýmettik jelilerde tarady.
Jambyl oblysynyń Polıtsııa departamenti atalǵan derek boıynsha qyzmettik tekserý júrgizilgenin habarlady.
Tekserý nátıjesinde polıtseıge Ákimshilik quqyq buzýshylyq týraly kodekstiń 434-baby («Usaq buzaqylyq») boıynsha ákimshilik hattama toltyryldy. Vedomstvonyń málimetinshe, is materıaldary sottyń qaraýyna jiberilgen.
Eske salaıyq, buǵan deıin Astana polıtsııasy túkirgenderdi «uıat taqtasyna» shyǵarǵanyn jazǵan bolatynbyz.
