Tarazda bótenniń aqshasyn jasyryn túrde ózine aýdarǵan almatylyq azamat ustaldy
TARAZ. QazAqparat - Tarazda «Hi-tech» jedel-aldyn alý is-sharasy barysynda almatylyq azamat bótenniń aqshasyn jasyryn túrde óz shotyna aýdarǵan, dep habarlaıdy QazAqparat tilshisi.
Atalmysh is-shara barysynda Jambyl oblysy Polıtsııa departamentiniń krımınaldyq polıtsııa basqarmasynyń qyzmetkerleri Almaty oblysynyń turǵynyn anyqtap, ustady. Ol Taraz qalasyndaǵy kólik jýý qyzmetin paıdalaný barysynda bóten adamnyń uıaly telefonyn alyp, «mobıldik bankıng» qosymshasy arqyly jasyryn túrde telefon ıesiniń 41 000 teńgesin óz shotyna aýdarǵan.
«Atalǵan derek boıynsha Qylmystyq kodekstiń 188-babynyń 2-bóligi 4-tarmaǵymen sotqa deıingi tergeý amaldary júrgizilýde. Qazirgi tańda ustalǵan azamattyń osyǵan uqsas basqa da qylmystarǵa qatystylyǵy tekserilýde», -deıdi oblystyq polıtsııa departamentiniń baspasóz qyzmetiniń jetekshisi Gúlsara Muhtarqulova.
