Tarazda bólimniń bas mamany AÁK áperemin dep 200 myń teńge para alǵan

TARAZ. QazAqparat - Taraz qalasy ákimdiginiń jumyspen qamtý jáne áleýmettik baǵdarlamalar bóliminiń bas mamany para aldy degen kúdikke ilindi, dep habarlaıdy QazAqparat QR Sybaılas qylmysqa qarsy is-qımyl agenttigine silteme jasap.

Sybaılas jemqorlyqqa qarsy qyzmeti Jambyl oblysy boıynsha UQK-men birlesip, sybaılas jemqorlyq qylmysyn jasady degen kúdikpen Taraz qalasy ákimdiginiń jumyspen qamtý jáne áleýmettik baǵdarlamalar bóliminiń bas mamanyn áshkereledi.

Ol turǵynǵa ataýly áleýmettik kómek alýǵa járdemdeskeni úshin 199 500 teńge kóleminde para aldy dep kúdiktelýde.

Kúdikti men onyń qorǵaýshysynyń sotqa deıingi tergeýdi jedel ótkizýge ótinishi men kelý týraly jazbasha mindetteme berýine baılanysty kúdiktige qatysty protsessýaldyq qamaý qoldanylmady.

Kúdiktiniń kinásiniń deńgeıi týraly túpkilikti sheshimdi sot shyǵaratyn bolady.