Tarazda bokstan halyqaralyq týrnır ótýde
TARAZ. QazAqparat - Reseı, Tájikstan, Ózbekstan, Qyrǵyzstan men Qazaqstannyń 300-den astam sportshysy Keńes Odaǵynyń batyry Baýyrjan Momyshulyn eske alýǵa arnalǵan halyqaralyq boks týrnırine qatysý úshin Tarazǵa keldi, dep habarlaıdy «QazAqparat» HAA tilshisi.
«№6 oblystyq boks mektebi» sport keshenindegi bul jarys 15 salmaq dárejesi boıynsha - 42 keliden 80 kelige deıingi aralyqta ótip jatyr. Shırek fınalǵa kóptegen qazaqstandyq sportshylar, sondaı-aq Ózbekstan men Qyrǵyzstannyń birneshe boksshysy ótti.
«Biz týrnırdi joǵary deńgeıde ótkizýge barymyzdy saldyq, - dedi Taraz boks mektebiniń bas bapkeri Murat Jarymbekov.
«Kelgen komandalardyń quramy óte jaqsy, kórýge turarlyq oıyn kórsetýde. Reseı men Ózbekstannan kelgen sportshylardyń daıyndyǵy óte joǵary».
Qazaqstannyń jasóspirimder quramasy bas bapkeriniń kómekshisi Talǵat Álipbektiń aıtýynsha, otandyq bokstyń aldynda respýblıkanyń rezervtik komandany anyqtaý mindeti tur.
«Bizdiń bir quram Bakýdegi halyqaralyq týrnırge qatysyp jatsa, endi biri osynda jarysýda. Negizgi týrnırlerdi ótkizip boldyq, biraq halyqaralyq tájirıbe artyqtyq etpeıdi», - dedi ol.
