Tarazda bir túnde 12 kalıan shegýshi anyqtaldy
TARAZ. QazAqparat - Tarazda quqyq buzýshylyqtardy anyqtaýǵa baǵyttalǵan reıdtik is-sharalar barysynda 10 kóńil kóterý ornyna qatysty tekserý júrgizildi, dep habarlaıdy QazAqparat.
Reıdter Jambyl oblysynyń Polıtsııa departamentiniń Esirtki qylmysyna qarsy is-qımyl basqarmasy qyzmetkerleriniń qatysýymen jáne Taraz qalasy Polıtsııa basqarmasynyń jergilikti polıtsııa qyzmetimen birlesken túrde ótti. Bul týraly atalmysh departamenttiń baspasóz qyzmeti málim etti.
«Tekserý barysynda QR ÁQBtK 441-babyna sáıkes (Qoǵamdyq oryndarda temeki buıymdaryn (kalıan) tutynýǵa tyıym salýdy buzý), ákimshilik quqyq buzýshylyqtyń 12 deregi anyqtaldy. Qazaqstan Respýblıkasynyń Bas memlekettik sanıtarlyq dárigeriniń 2013 jylǵy 14 naýryzdaǵy № 6 «Qoǵamdyq oryndarda kalıan shegýge tyıym salýdy engizý týraly» qaýlysyna, Qazaqstan Respýblıkasynyń «Halyq densaýlyǵy jáne densaýlyq saqtaý júıesi týraly» kodeksiniń 159-babynyń 5-tarmaǵyna sáıkes, qoǵamdyq oryndarda kalıan shegýge tyıym salynǵany týraly aqparattyq paraqshalar taratyldy»,- delingen vedomostvonyń habarlamasynda.
Sondaı-aq, shara barysynda Taraz qalasyndaǵy kafe-barlardyń ákimshiligine QR ÁQBtK-niń 422-baby jáne 423-baby boıynsha ákimshilik jaýapkershilik týraly eskertilgen.
