Tarazda beıtanys adamdy uryp óltirgenderge úkim shyqty
TARAZ. QazAqparat - Jambyl oblystyq qylmystyq ister jónindegi mamandandyrylǵan aýdanaralyq soty beıtanys jigitti uryp óltirgen úsh aıyptalýshyǵa qatysty úkim shyǵardy, dep habarlaıdy QazAqparat tilshisi.
Sottyń baspasóz qyzmetinen málim etkendeı, 2018 jyldyń qyrkúıeginde Tarazdaǵy «Barbarıs» dámhanasynyń mańynda atalmysh mekemeniń masaıǵan úsh qonaǵy men sol mańnan ótip bara jatqan jas jigittiń arasynda tóbeles bolǵan. Kóptegen aýyr jaraqattardyń saldarynan 23 jastaǵy beıtanys jigit №1 qalalyq aýrýhanada kóz jumǵan.
«Jambyl oblysy qylmystyq ister jónindegi mamandandyrylǵan aýdanaralyq soty azamattar A., R. jáne J.-ǵa qatysty qylmystyq isti qarady. Olarǵa QR Qylmystyq kodeksiniń 106-babynyń («Densaýlyqqa qasaqana aýyr zııan keltirý») 3-bóligi («Abaısyzda jábirlenýshiniń ólimine ákep soqqan ne qylmystyq top jasaǵan is-áreket») boıynsha aıyp taǵyldy», - delingen sottyń habarlamasynda.
Іstiń eki fıgýranty - A. men R. Qylmystyq kodekstiń 106-babynyń 3-bóligi boıynsha aıypty dep tanylyp, toǵyz jylǵa bas bostandyǵynan aıyryldy. Olar jazasyn qylmystyq-atqarý júıesiniń qaýipsizdik deńgeıi ortasha mekemesinde óteıdi.
Úshinshi fıgýrant J. Qylmystyq kodekstiń 293-babynyń 2-bóligi, 1-tarmaǵyndaǵy qylmysty jasady dep tanylyp, oǵan úsh jylǵa bas bostandyǵyn shekteý jazasy belgilendi.
Avtory: Galına Skrıpnık
