Tarazda bes qabatty turǵyn úıden órt shyqty
TARAZ. QazAqparat – 16 qazan kúni saǵat 15:30-da 101 pýltine Taraz qalasynyń 2-shi shaǵyn aýdanyndaǵy bes qabatty turǵyn úıinen órt shyqqany týraly habar tústi, dep habarlaıdy QazAqparat Tótenshe jaǵdaılar komıtetine silteme jasap.
Saǵat 15:34-te oqıǵa ornynan órt sóndirýshiler keldi. Bul kezde úıdiń shatyrynyń shamamen 100 sharshy metr aýmaǵy órtenip ketken bolatyn. Osy kezde turǵyndardy evakýatsııalaý jáne órtti sóndirý jumystary júrgizilip jatyr. Tilsiz jaýdy sóndirýge TJD-niń jeke quramynan 46 adam jáne 9 órt sóndirý tehnıkasy jumyldyryldy.
Polıtsııa qyzmetkerleri úıdiń aýmaǵyn qorshap aldy.
