Tarazda basyna kirpish qulaǵan zaýyt jumysshysy qaza tapty

TARAZ. QazAqparat - Tarazda óndiris ornynda jumysshy mert boldy, dep habarlaıdy QazAqparat.

Oblystyq prolıtsııa departamentiniń málimetinshe, 7 maýsym saǵat 21:40 shamasynda polıtsııaǵa «Qazfosfat» JShS qyzmetkeri aýyr jaraqat aldy degen habar túsken.

Polıtsııa qyzmetkerleri 34 jastaǵy turǵynnyń basyna jumys ornynda kirpish qulaǵanyn anyqtady.

Er adam jedel járdem kóligimen aýrýhanaǵa jetkizý kezinde alǵan jaraqatynan kóz jumǵan.

«7 maýsym kúni atalǵan derek boıynsha jumys barysynda qaýipsizdik erejesi saqtalmaǵany úshin Qylmystyq kodekstiń 156-baby 3-bóligimen sotqa deıingi tergeý amaldary bastaldy. Qajetti saraptamalar taǵaıyndaldy» delingen polıtsııa málimetinde.