Tarazda basseınde shomylyp júrgen jasóspirim men kishkentaı bala sýǵa ketti
TARAZ. QazAqparat - Tarazdyń jekemenshik demalys oryndarynda qaıǵyly oqıǵalar tirkeldi. Jasóspirim men 7 jasar bala sýǵa ketti, dep habarlaıdy QazAqparat tilshisi Jambyl oblysy TJD-ne silteme jasap.
«Kúnshýaq» demalys ornynyń aýmaǵynda 7 jasar bala basseınde shomylyp júrip, sýǵa batyp ketti. Kýágerler balanyń denesin sýdan óz betterimen alyp shyqqan», - dedi vedomstvo ókili.
Sondaı-aq, «Ýatervıl» jekemenshik demalys ornynyń mańyndaǵy haýyzdan kýágerler 14 jastaǵy jasóspirimniń denesin alyp shyqty.
Jambyl oblysynyń Tótenshe jaǵdaılar departamenti málim etkendeı, adamdardyń shomylýǵa arnalǵan jerlerde qaza tabýy jıilep ketken. Osylaısha, 2 tamyzda «Jańatas» qalalyq jaǵajaıynda 54 jastaǵy er adam sýǵa ketip, mert bolǵan.
Vedomstvonyń bergen aqparatyna sáıkes, jyl basynan beri oblystyń sý qoımalarynda arty qazaǵa alyp kelgen 15 jaǵdaı tirkelgen.
