Tarazda basketboldan áıelder komandalary arasynda el chempıonatynyń oıyndary ótip jatyr
ALMATY. Qazannyń 24-i. QazAqparat /Erlik Erjanuly/ - Basketboldan áıelder komandalary arasynda Tarazda ótip jatqan XVII Qazaqstan chempıonatynyń alǵashqy týrynda Astana men Pavlodar qalalarynyń sportshylary jeńilissiz kele jatyr,
dep habarlaıdy QazAqparat QR Ulttyq basketbol federatsııasynyń ınternet saıtyna silteme jasap.
Oǵan Astananyń «Jolbarystar», Almatynyń «Almaty», Tarazdyń «Taraz», Kókshetaýdyń «Oqjetpes», Pavlodardyń «Ertis» komandalary qatysyp jatyr. Jalaýy qazannyń 21-i kúni kóterilgen el chempıonatynyń alǵashqy týr oıyndarynda úsh kúnniń qorytyndysy boıynsha Astana men Pavlodar qalalarynyń basketbolshylary jeńilissiz kele jatyr. Almatylyqtar «Oqjetpeske» 56:102, «Ertiske» 68:116, al tarazdyqtar «Jolbarystarǵa» 40:88, «Oqjetpeske» 34:77, «Ertiske» 38:85 esebimen utyldy. Kókshetetaýlyq sportshylar «Almaty» men «Tarazdan» basym túskenimen «Jolbarystarǵa» 55:69 esebimen ese jiberdi. Búgingi oıyndar endi «Almaty» men «Astana», «Oqjetpes» pen «Ertis» komandalary arasynda ótetin bolady. Chempıonattyń 1-shi týry erteń «Astana» men «Ertis», «Almaty» men «Taraz» basketbolshylarynyń kezdesýimen aıaqtalady.
