Tarazda basqarma basshysy 100 myń teńge para alǵan

NUR-SULTAN. QazAqparat – Taraz qalasynyń Taýarlar men kórsetiletin qyzmetter sapasyn jáne qaýipsizdigin baqylaý basqarmasy basshysy para alǵany anyqtaldy, dep habarlaıdy QazAqparat tilshisi Sybaılas jemqorlyqqa qarsy is-qımyl agenttigine silteme jasap.

«QR Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti Taraz qalalyq taýarlar men kórsetiletin qyzmetter sapasyn jáne qaýipsizdigin baqylaý basqarmasy basshysynyń parý alý faktisin anyqtady. Ol deldal arqyly jeke kompanııa ókilinen júzý basseınin paıdalanýǵa oń sanıtarlyq-epıdemıologııalyq tujyrym jasaý úshin 100 myń teńge kóleminde para aldy degen kúdikke ilindi», delingen habarlamada.

Agenttiktiń málimetinshe, kúdiktige qatysty qamaýǵa alý túrindegi bultartpaý sharasy tańdalǵan. Qazir tergeý júrgizilip jatyr. Kúdiktige qatysty sońǵy úkimdi sot shyǵaratyn bolady.