Tarazda balalar 6 jasar uldy órtep jibergen
ASTANA. QazAqparat - Tarazda balalar belgisiz jaǵdaıda 6 jasar uldy órtegen, dep habarlaıdy ZhambylNews óńirdiń Tótenshe jaǵdaılar departamentine silteme jasap.
«Balalar tez janatyn suıyqtyqpen oınap jatqan kezde belgisiz jaǵdaıda 6 jasar bala órtenip ketken», - dep málim etti mekemeniń baspasóz qyzmeti.
Bala I jáne III dárejeli kúıikpen (denesiniń 18%) aýrýhanaǵa jetkizilgen. Qazirgi tańda №2 qalalyq aýrýhananyń jansaqtaý bóliminde jatyr.
Jambyl oblysy ákimdiginiń densaýlyq saqtaý basqarmasy dárigerler balanyń jaǵdaıyn aýyrlyǵy ortasha dep baǵalap otyrǵanyn jetkizdi.
Sondaı-aq, Qostanaı oblysynda 48 jastaǵy áıeldiń denesin belgisiz jaǵdaıda kúıik shalǵan, dep habarlaıdy alau.kz Qostanaı oblysynyń Tótenshe jaǵdaılar departamentine silteme jasap.
«Denesiniń 30% kúıgen, atap aıtqanda, betin, keýdesin, denesiniń joǵary bóligin, ishin kúıik shalǵan. Biz ony jetkizilgen boıda jansaqtaý bólimine jatqyzdyq. Bul jaǵdaı qalaı bolǵanyn aıtpaı otyr. Jedel medıtsınalyq kómek kórsetilýde», - dedi Qostanaı oblystyq aýrýhanasynyń bas dárigeri ıÝrıı Moıssev.
Qostanaı oblysy jedel medıtsınalyq kómek stansasynyń bas dárigeri Irına Shteıgervaldtiń aıtýynsha, dárigerler naýqasty aýrýhanaǵa daladan jetkizgen. Zardap shekken áıel feldsherlerge bar bolǵany janynda bir suıyqtyqtyń tutanǵanyn, artynan ústindegi kıimi órtengenin aıtqan.
