Tarazda aımaqtyq QHA ǵylymı-saraptama tobynyń keńeıtilgen otyrysy ótti
Jambyl oblysy ákimi apparatynyń «Qoǵamdyq kelisim» mekemesiniń uıymdastyrýymen «N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyn júzege asyrý konteksindegi Jambyl oblysy Qazaqstan halqy assambleıasy men quqyq qorǵaý organdarynyń etnosaralyq kelisimdi nyǵaıtýdaǵy ózara baılanysy» atty Jambyl oblysy Qazaqstan halqy assambleıasy ǵylymı-saraptamalyq tobynyń keńeıtilgen otyrysy ótti.
Jıynda sóz alǵan Jambyl oblysy QHA ǵylymı-saraptamalyq tobynyń múshesi Isabaı Bekbasarov baıandamasynda qazaqtyń ulttyq sýsyny - qymyzdyń patentine keńinen toqtaldy. Osy tusta otyrysqa qatysýshylar tarapynan da atalǵan másele jóninde ár túrli pikirler týyndap, tartysty oılar ortaǵa salyndy.
Áleýmettik táýekeldilik, dinı toleranttylyq jáne etnostyq deńgeı, etnokonfessııalyq jaǵdaıdyń jalpy sıpattamasy, ultshyldyq jáne sáıkestik, dinı jaǵdaılar týraly M.H.Dýlatı atyndaǵy Taraz memlekettik ýnıversıtetiniń «Qazaqstan halqy Assambleıasy» kafedrasynyń meńgerýshisi Parıda Mamedova keńinen áńgimeledi.
Al, Taraz qalasy ishki ister basqarmasynyń jergilikti polıtsııa qyzmetiniń basshysy Ýálıhan Seksenbaev «Jambyl oblysynyń polımádenıetti ortasynda quqyqtyq tártipti, turaqtylyqty qamtamasyz etýdegi qoǵamdyq uıymdar jáne quqyq qorǵaý organdarynyń birlesken aldyn-alý sharalarynyń róli» taqyrybyndaǵy baıandamasymen tanystyrdy.
Otyrystyń sońynda M. Dýlatı atyndaǵy TarMÝ rektory Mahmetǵalı Sarybekov ýnıversıtet dotsenti Rysty Kerimbaevany Qazaqstan Respýblıkasy Prezıdentiniń janyndaǵy Memlekettik basqarý akademııasy men Qazaqstan halqy Assambleıasy uıymdastyrǵan «N.Á.Nazarbaevtyń qoǵamdyq kelisim men jalpyulttyq birliktiń qazaqstandyq modeline» arnalǵan úzdik ǵylymı jobalar boıynsha respýblıkalyq baıqaýynda qol jetkizgen úzdik jetistigimen (1-oryn) quttyqtady. Sonymen qatar Jambyl oblysy Qazaqstan halqy assambleıasynyń ǵylymı-saraptamalyq tobynyń múshelerin de marapattady.
Ǵıbrat Sembaı
