Tarazda áıeli sottalǵan kúıeýine et maıynyń arasyna esirtki salyp ákelgen
ASTANA. QazAqparat - Tarazdaǵy kolonııalardyń birinde kúıeýimen kezdesýge kelgen áıel shoshqa maıynyń arasyna esirtki salyp ákelgen, dep habarlaıdy QazAqparat tilshisi.
QR ІІM Qylmystyq-atqarý júıesi komıtetiniń baspasóz qyzmetinen málim etkendeı, JD-158/2 mekemesiniń qyzmetkerleri áıeldiń ózimen birge alyp kelgen azyq-túligine tekserý júrgizgen. Olardyń arasynda bolǵan shoshqa maıynyń ishinen folgaǵa oralǵan alty túıinshek tabylǵan.
«Sot-medıtsınalyq saraptama kórsetkendeı, tárkilengen zat jalpy salmaǵy 20 gram bolatyn nasha ekeni anyqtaldy», - delingen habarlamada.
Mereke kúnderi tirkelgen fakt sotqa deıingi tergep-tekserýdiń biryńǵaı reestrine QR QK-niń 297-baby (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha tirkelip, qazirgi ýaqytta tergeý júrgizilýde.
