Tarazda aıaldamalar men qoǵamdyq kólikter dezınfektsııalanýda

Oblystyq Jolaýshylar kóligi jáne avtomobıl joldary basqarmasy basshysynyń orynbasary Nurlan Mahashovtyń aıtýynsha, óńir boıynsha 29 mekeme barlyǵy 1324 avtobýspen jolaýshylar tasymalymen aınalysady. Sonyń ishinde Taraz qalasynda 10 tasymaldaýshy mekeme 575 avtobýspen 41 baǵytqa qyzmet kórsetedi. Sonymen qatar, 1 avtovokzal, 9 avtostantsııa jáne 7 jolaýshylarǵa qyzmet kórsetý pýnkti bar.

QR Bas memlekettik sanıtarlyq dárigeriniń 2020 jylǵy 12 naýryzdaǵy №20 Qaýlysyna sáıkes jáne oblys ákimdiginde qurylǵan shtabtyń tapsyrmasy boıynsha qoǵamdyq kólikterge ár reıs saıyn dezınfektsııalyq jumystar júrgizilýde. «Halyqtyń densaýlyq ortalyǵy» JShS aǵymdaǵy jyldyń 16 naýryzynan bastap qala aýmaǵyndaǵy 513 avtobýs aıaldamasyn vırýsqa qarsy dezınfektsııalaý jumystaryn júrgizýde. Bul jumystar qoǵamdyq kólikterge ár reıs aldynda atqarylyp otyr», - dedi N.Mahashov.

Sonymen qatar, spıkerdiń aıtýynsha, áýejaı men temirjol vokzalynda beınerolıkter kórsetilýde, kórneki jerlerge eskertý jadynamalary jáne antıseptık quraldary qoıylyp, dezınfektsııa sharalary turaqty júrgizilip otyr. Aýdandar tarapynan da vırýsqa qarsy sharalar qabyldanyp, tıisti jumystar atqarylýda. Bul sharalar osy baǵytta jalǵastyrylady jáne qatań baqylaýda.

«Koronavırýs» ınfektsııasyna qarsy baǵyttalǵan is-sharalardy qoǵamdyq kólik salasynda uıymdastyrý maqsatynda, avtovokzal, avtostantsııa jáne jolaýshylarǵa qyzmet kórsetý pýnkteriniń ǵımarattarynyń kórneki jerlerine kassa mańyna, sondaı-aq 1324 birlik avtobýstyń barlyǵyna aldyn-ala daıyndalǵan «Koronavırýs» ınfektsııasy týraly jáne onyń aldyn-alý, qorǵaný tásilderi kórsetilgen aqparattyq qaǵazdar taratylyp, kóneki jerlerine ornalastyryldy. Onda saqtyq sharalaryn kúsheıtý máselesi jan-jaqty aıtylǵan. Sonymen qatar, avtobýs parkileriniń qyzmetkerlerine túsindirme jumystary júrgizilgen.