Tarazda avtomobıl saýda ortalyǵyna soǵyldy, bir adam ajal qushty
TARAZ. QazAqparat - Búgin tańerteń Taraz qalasynyń ortalyǵynda jol-kólik apaty boldy, dep habarlaıdy «QazAqparat» HAA tilshisi Jambyl oblystyq ІІD-niń baspasóz qyzmetine silteme jasap.
Tańǵy saǵat altyda «Toıota-Korolla» kóligin tizgindegen 21 jastaǵy júrgizýshi ortalyq kóshelerdiń biri - Qonaev kóshesimen kele jatyp, Abaı dańǵylymen qıylysynda burylýdyń ornyna, ári ótip ketip, «Aılara Tsentr» saýda ortalyǵynyń ǵımaratyna soǵylǵan.
Jol apaty saldarynan júrgizýshi jáne kólikte bolǵan eki áıel №1 qalalyq aýrýhanaǵa jetkizildi.
Vedomstvo baspasóz qyzmetiniń málimdeýinshe, jaraqat alǵan júrgizýshi qazir aýrýhanada. Jolaýshylardyń biri úıine qaıtaryldy. Ekinshisi - jansaqtaý bóliminde kóz jumdy.
Jolaýshynyń aıtýynsha, kólikti basqarý kezinde júrgizýshiniń bulshyq etteri qurysyp qalǵan, sonyń saldarynan saýda úıine soǵylǵan.
Atalǵan fakti QR QK 345-baby 1-bóligi boıynsha sotqa deıingi tergeý reestrine tirkeldi.
