Tarazda avtokólik júk poıyzy jáne avtobýspen soqtyǵysty
PETROPAVL. KAZINFORM – Tarazda bolǵan iri jol-kólik apatynan avtokóliktiń júrgizýshisi men jolaýshy jaraqat aldy.
«Qazaqstan temir joly» UK» AQ baspasóz qyzmetiniń málimetinshe, 4 mamyrda Býryl stantsııasy kirme jolynyń (Taraz-Jańatas ýchaskesi) jeke temirjol ótkelinde jol-kólik oqıǵasy tirkeldi. «Mercedes» markaly jeńil avtokóliktiń júrgizýshisi ótkelden ótý erejesin buzǵan. Saldarynan júk poıyzynyń vagondaryna jáne marshrýttyq avtobýsqa soqtyǵysqan.
Jambyl oblysy densaýlyq saqtaý basqarmasy baspasóz qyzmeti habarlaǵandaı, jol-kólik oqıǵasynan mert bolǵandar joq. Alaıda eki adam – 57 jastaǵy kólik júrgizýshisi men 13 jastaǵy jolaýshyǵa medıtsınalyq kómek qajet boldy. Aýrýhanaǵa jetkizilgen eki adamǵa «mıdyń shaıqalýy» dıagnozy qoıyldy.
Buǵan deıin Elordada jasóspirimdi avtobýs qaǵyp ketkenin jazǵan edik.