Tarazda avtokóliktegi jolaýshydan tapansha tabyldy
TARAZ. QazAqparat – Tarazda patrýldik polıtsııa batalonynyń qyzmetkerleri turǵynnan tapansha tapty, dep habarlaıdy QazAqparat tilshisi.
Taraz qalasynyń patrýldik polıtsııa batalonynyń qyzmetkerlerimen túngi patrýldeý kezinde jol erejesin buzǵan avtokólik toqtatylǵan.
Avtokóliktegi jolaýshynyń qaltasynan atys qarýy kóringen.
Tekseris barysynda jolaýshydan «Makarov» markaly atys tapanshasy tárkilendi. Bul týraly polıtsııa departamentiniń baspasóz qyzmeti habarlady.
Qala turǵynynyń atalǵan tapanshany ustaýǵa ruqsat qujattary jáne tapanshaǵa arnalǵan arnaıy taǵylatyn qaqpasy bolmaǵan.
Avtokólik ıesi men jolaýshy Taraz qalasynyń polıtsııa basqarmasyna jetkizildi. Olarǵa qatysty protsesýaldyq sheshim qabyldanady.
