Tarazda avtokólik qaqqan velosıpedshi qaıtys boldy
TARAZ. QazAqparat – Taraz qalasynda avtokólik qaǵyp ketken velosıpedshi oqıǵa ornynda kóz jumdy, dep habarlaıdy QazAqparat tilshisi.
20 shildede saǵat 21:40-ta Taraz qalasyndaǵy Tóle bı men Ulbıke aqyn kósheleriniń qıylysynda «Mercedes-Benz CLS 350» avtokóliginiń júrgizýshisi joldyń boıymen kele jatqan velosıpedshini qaǵyp ketti.
Jol-kólik oqıǵasy saldarynan velosıpedshi alǵan jaraqattarynan oqıǵa ornynda qaıtys boldy.
Bul fakt boıynsha birqatar saraptamalar taǵaıyndalyp, tergeý amaldary júrgizilýde. Kúdikti ýaqytsha ustaý ızolıatoryna qamaýǵa alyndy.
Jambyl oblysy ІІD tergeý basqarmasy bastyǵynyń orynbasary polıtsııa podpolkovnıgi Dańqov Janibek QR qylmystyq-protsestik kodeksiniń 201-babyna sáıkes qylmystyq istiń mán-jaıy jarııalanýǵa jatpaıtyndyǵyn jetkizdi.
